Хуманост на дело: Фирма од Гостивар донира 55 компјутери на деца од социјално ранливите категории

„Нани Принт“ од Гостивар, дава свој придонес во справувањето во борбата против коронавирусот ставајќи ги во фокус децата и младите. Фирмата ќе донира компјутери на ученици од семејства од социјално ранливите категории, кои во овие тешки времиња не се во состојба да им обезбедат услови за онлајн учење на своите деца.

„Состојбава во која се најдовме со коронавирусот влијае на сите, најпогодени се младите посебно со седењето дома и новиот начин на држење настава за што задолжително е поседување на компјутер. Одлучивме да донираме 55 компјутерски конфигурации на социјално загозени семејства кои имаат дечиња. Компјутерите се наменети токму за таа категорија на граѓани. Сакаме да потенцираме дека предност ќе имаат оние семејства со повеќе дечиња, не значи тоа дека и останатите со едно или две деца не може да аплицираат, но што повеќе деца тоа е поголема веројатноста да добијат, бидејќи реално имаат поголема потреба. Конфигурациите се нови, секој кој има потреба може да не контактира во нашиот локал или на некој од телефонските броеви, па после проверката во социјалниот центар ќе бидат известени“, вели Ќенан Садику од Нани принт.

Како најави Садику, акцијата започнува од понеделник и секој кој има потреба може да поднесе барање во нивниот локал на улица: ЈНА бр: 318, во трговски центар Елкос, или на некој до телефонските броеви на флаерот.