Одлука на Влада: Карантин за критичните општини, полициски час за останатите

Владата донесе одлука за воведување на карантин од четврток во 21 часот до 5 часот понеделник за Скопје, Куманово, Липково, Штип, Тетово, Боговиње, Брвеница, Теарце, Желино и Јегуновце. За останатите општини, утре (четврток) воведен е полициски час од 21 часот до 5 часот наутро во петок, а во петок, сабота и недела полицискиот час ќе почнува од 16 часот и ќе трае до 5 наутро.

Петок, 5 јуни е прогласен за неработен за сите граѓани.

„Комисијата правеше анализа и ги следеше трендовите на новозаболени. Анализите покажаа дека во одредени делови имаме брз раст и тоа е резултат на непочитување на мерките како групирање на семејни собири, непочитување на правилата за транспорт од страна на компании, неносење заштитна опрема. Одлуката за враќање на забраната за движње е донесена со цел да се спречи ширење на вирусот.“, рече министерот за здравство Венко Филипче.