Rainbow roses – Сите бои во една роза

Црвените рози претставуваат страст и романтика, жолтите пријателство, а розевите благодарност. Но, ако се чувствувате збунети и не знаете која е идеалната боја на розата за вас како подарок, може да одберете една роза во сите бои.

Цвет на роза со повеќе бои, попознат како “розите со боите на виножитото“ или “среќни рози“, е спој на убавина, наука и совршен подарок.

Едноставниот процес на добивање шарени рози, односно на едно стебло цветови со различна боја, е познат повеќе од еден милениум. Неколку компании дури и се обиделе да го патентираат истиот, но само делумно успеале. 2005-та година Петар ван де Веркен успешно креирал шарена роза користејќи процес со посебни комбинации на бои. За разлика од останатите рози со боите на виножитото, неговите имаат различна боја на секое ливче од цветот поединечно.

Познато е дека Петаровиот процес трае помеѓу 12 и 24 часа, но не се познати подетални спецификации на технологијата која овозможува да секое ливче од цветот има различна боја. Тоа останува деловна тајна на нивниот творец, цвеќарата од Холандија на Петар ван де Веркен.