Неделен рецепт – Пица ролат со готови кори

Вкусот на пица е еден од омилените на голем дел од луѓето. Ако сакате ист вкус, во малку поинаква варијатна пробајте го овој рецепт – пица ролат со готови кори.

состојки:

500 гр. готови кори за пита

200 мл. јогурт

Кечап

Шунка (по избор)

200 гр. кашкавал

печурки

4 јајца

2 лажици масло за готвење

Лажичка прашок за пециво

Оригано, сол, сусам, пармезан

подготовка:

Најпрво направете ја смесата за премачкување на корите со матење на јајцата, маслото, јогуртот, прашокот за пециво и солта. Убаво да се соедини. Потоа секоја кора премачкувајте ја со оваа смеса. Кога ќе дојдете до десеттата кора врз неа распоредете го филот од рендани шунка и кашкавал, сецкани печурки, оригано и кечап. Продолжете со редење на останатите кори и премачкување на секоја со смесата. Кога ќе завршите завиткајте во ролат, пак премачкајте и посипете со сусам или пармезан. Печете во загреана рерна на 180 степени, додека не зарумени (околу половина час).