Викенд временска прогноза

Викендов пред нас очекувајте сончево и стабилно време, но со умерен северен ветер кој ќе ни донесе нешто пониски температури, особено во вечерните и утринските часови.

Денес е петок, 248-от ден од годинава. Сонцето изгреа во 6 часот и 5 минути, а ќе зајде во 19 часот и 3 минути. Времето ќе биде сончево со мала локална облачност. Температурата ќе биде нешто пониска, односно максималната дневна ќе достигне до 26-от степен.

Утре (сабота) се очекува слично време, односно сончево со мала локална облачност и температури помеѓу 13 и 27 степени. Во недела времето ќе биде претежно сончево, а температурите ќе се движат помеѓу 15 и 31 степен.