Gate Tower – Зградата низ која поминува автопат

Зградата “Gate Tower“ е една од многуте високи деловни објекти кои го создаваат импресивниот хоризонт на Осака, но во неа постои нешто што ја прави уникатна, низ неа поминува автопат.

Фотографии од оваа архитектонска “аномалија“ ги полнат социјалните мрежи долго време (изградена е во 1992-ра година) и лесно може да се забележи зошто е тоа такаа, поради својата уникатност, односно патот кој поминува низ неа.

Зградата нуди одлично инжинерско компромисно решение, а сообраќајот воопшто не влијае на луѓето кои работат во неа.

Лифтовите се наоѓаат од страна, а автопатот не ги допира ѕидовите така што самиот објект е правилно изолиран од сообраќајната бука и вибрации. Глетката врз оваа зграда во Осака е неверојатна.

Зградата Gate Tower e висока 72 метри, а вкупната површина ѝ е 7.956 m2. Возењето низ зградата и не е толку возбудливо, бидејќи во основа поминувате низ многу краток тунел, кој не ја допира зградата. Ова е сепак една од оние знаменитости на Осака на кои е многу по возбудливо да им се воодушевувате од далеку, отколку да ја видите од блиску.