2МФЛ: ФК Гостивар подобар од Кораб – Вардар Форино загуби во Кичево

Викендов се одигра 3-тото коло од Втората МФЛ – Запад. Фудбалерите на ФК Гостивар ја пречекаа екипата на Кораб, ФК Вардар од Форино гостуваше во Кичево кај екипата на Велазерими 77.

После победите над Лабуништа/Тетекс во минатото коло, ФК Гостивар запиша нови три бода, совладувајќи ја екипата на Кораб од Дебар со резултат 1:0. Единствениот гол на натпреварот го постигнаа Валтрин Ќали во 25. минута. ФК Гостивар по три одиграни кола се наоѓа на делба на првата позиција со ФК Скопје, со по 7 бодови. Во следното коло ќе ја пречека екипата на Велешта.

Вардарци од Форино загубија на тешкото гостување во Кичево, екипата на Велазерими 77 славеше со резултат 2:0. Головите за домаќините ги постигна Адили од пенал во 43. и Рамадани во 59. минута. Форинци од три одиграни натпревари имаат два бода и се наоѓаат на претпоследната позиција на табелата. Во следното коло ќе гостуваат во Дебар кај екипата на Кораб.