Донација од околу 10.000 евра во заштитни средства и опрема за болницата во Гостивар

Во време на пандемија, многу граѓани, фирми и организации се вклучуваат со свои донации за здравствените установи со цел да им помогнат на медицинските тимови во справувањето со вирусот.

Последната донација за гостиварската болница е обезбедена преку Раиф Раифи од Бањица во соработка со генералниот претседател на Федерација на Балкански здруженија ,,Румелија”, Камуран Атакан од Истанбул, Турција и достигнува вредност од околу 10 илјади евра. Донацијата се состои од над 2.100 литри средства за дезинфекција, 5.000 заштитни маски, 5.000 пара заштитни ракавици, 200 заштитни скафандери и други средства и опрема.

Управата на болницата упати благодарност до донаторите за придонесот во борбата со пандемијата.