Апел: Да не се собираат гости на домашните православни слави

Комисијата за односи со верските заедници и религиозни грпи, упати апел домашните слави да се празнуваат во кругот на семејството за да се намали ризик од ширење на ковид.

„Во пресрет на периодот во кој голем број на семејства ширум државата ги чествуваат домашните православни празници упатуваме АПЕЛ до истите, овие празнувања да бидат исклучиво во кругот на членовите на семејството. Ескалирањето на состојбата со коронавирусот е пропратена со изразена локална трансмисија на вирусот, па секое непочитување на мерките за заштита од здравствените власти и секое собирање на луѓе може да биде погубно. Секое семејство кое одбележува домашен празник, да ја препознае опасноста по јавното здравје кое би ја предизвикало со повикување на гости, но и секој добронамерен кон семејството кое прославува годинава да се воздржи од физичко присуство. Традицијата не е загрозена таа ќе опстои, но колективното здравје е во сериозна закана!“, се вели во апелот.