Bolwoningen – Тркалезни куќи во Холандија

Bolwoningen или глобус куќи биле изградени во 1984 година во главниот град на холандската провинција Северен Брабант во градот Хертогенбош. Тие се изградени според идејата на експерименталниот архитект Дрис Крајкамп. Иако денес имаат повеќе од 30 години, луѓето сè уште живеат во нив.

Невообичаениот дизајн имал за цел да ги натера жителите подобро да се вклопат во нивната природна средина, а бидејќи соседните куќи се исти, тркалезните прозорци во кружната куќа даваат многу интересен поглед на соседството. Иако дијаметарот на овие куќи е околу 5,5 метри, во нив успешно се вклопени две спални соби, бања, кујна и дневна соба. Спалните соби се на еден кат, а кујната и бањата се на друг. На таванот е дневна соба која нуди панорамски поглед на околината.