Страотен инцидент на трката за големата награда на Бахреин

Драматични сцени беа забележани по самиот старт на трката во Формула 1 за големата награда на Бахреин. Возачот во тимот на Хаас, французинот Роман Грожан, по контактот со болидот на русинот Данил Квјат, излета од патеката и се заби во заштитната ограда по што болидот експлодира и се преполови на два дела со Грожан во него.

Иако на многумина им застана срцето, со оглед на тоа дека сцената изгледаше страшно, со помош на брзата интервенција стјуардите и луѓето задолжени за безбедноста на возачите, Грожан успеа да се извлече од пламените јазици со лесни изгореници на дланките и глуждовите.

Сликите по судирот изгледаа ужасно бидејќи едната половина од болидот буквално исчезна во експлозијата и навистина е голема среќа што французинот го преживеа судирот.

My God the crash of Grosjean turning into fire.

He is safe and already rescued pic.twitter.com/3hU4UKTN3X

— Tancredi Palmeri (@tancredipalmeri) November 29, 2020

Woah. Penny for @RGrosjean thoughts there #SkyF1 #BahrainGP pic.twitter.com/4PrTSITVmZ

— neil leverett (@neil_lev_sport) November 29, 2020

По еден час, по повторениот старт, исто така по контакт со Квјат, се преврте болидот на Ленс Строл по што на патеката излезе безбедносното возило и повторно се одложи стартот на трката.

Старо-новиот шампион Луис Хамилтон ја однесе победата на гранприто во Бахреин, зад него завршија возачите на Ред Бул Рејсинг, Макс Верстапен и Александер Албон.