Мртов маж извлечен од Вардар кај гостиварско Чегране, првичните сознанија се дека бил застрелан

Вчера (31 декември) во 13.30 часот во Полициската станица Гостивар било пријавено дека под мост помеѓу селата Чегране и Тумчевиште, во реката Вардар, бил забележан човечки труп. Телото било извадено од Противпожарната единица од Гостивар.

Основното јавно обвинителство Гостивар извршило увид на лице место, од каде соопштија дека мажот бил на возраст меѓу 30 и 40 години, а првичните сознанија упатуваат дека станува збор за насилна смрт предизвикана од истрели од огнено оружје.

Со цел утврдување на причините за смртта како и идентификација на жртвата, јавниот обвинител издал наредба за обдукција на телото на починатиот.