Гостивар
Плакета и вратоврска од Општина Гостивар за младиот успешен физичар Мухамет Алија
Младиот гостиварец Мухамет Алија, гради европска истражувачка кариера во областа на физиката на ниски температури. Тој е докторант на Институтот за технологија на висок напон и електрични системи на енергија при Техничкиот универзитет во Брауншвајг, Германија.
За неговиот успех говори и фактот што е дел од тимот на истражувачкиот центар Лаплас на престижниот француски универзитет Тулуз.
Алија денес беше на прием кај градоначалникот на Гостивар Арбен Таравари, кого го запозна со својата работа и научна дејност.
„Грантот на Еразмус + Плејсмент му даде можност каква не му даде нашата држава, за да развие свој истражувачки проект Универзитетот Тулуз III – Пол Сабатиер. Нашата држава, а посебно Гостивар, има потреба од повеќе квалификувани стручњаци како што е Мухамет, затоа сметам дека не треба да заминува, туку треба да остане во родниот крај, откако ќе ги заврши студиите за да даде придонес во земјава“, рече градоначалникот.
Алија му се заблагодари на градоначалникот Таравари за почитта и неговото ангажирање за унапредување на младите луѓе да се занимаваат со наука.
„Сега сум трета година докторатура. Институтите во Германија и Франција кадешто се едуцирам имаат искуство во областа на плазмафизиката на ниски температури веќе 30 години. Освен истражувачката дејност, сакам да кажам дека ми причинува задоволство и кога можам моето знаење да го пренесам на нови студенти, кои се интересираат за науката. Во оваа прилика би сакал да искажам благодарам за укажаната чест што сум денес во општина Гостивар“, рече физичарот.
Од градоначалникот Алија доби плакета со симболот на градот Саат Кулата и вратоврска.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар
-
Видео емисиипред 3 месеци
Емисија „МИНУТИ ЗА СЕКОГО“ – Гостин: д-р Агим Јакупи | НАТАЛИТЕТ И ЖЕНСКО ЗДРАВЈЕ