Една жртва и тројца повредени во несреќа на патот Маврови Анови-Дебар

Едно лице почина, а три се повредени во сообраќајна несреќа што се случи попладнево, на регионалниот пат Маврови Анови-Дебар, во близина на Ростушки мост.

Според информациите од СВР Тетово во несреќата учествувале: патничко моторно возило “хундаи акцент” со скопски регистерски ознаки, управувано од 68-годишниот скопјанец А. Ѓ. и товарно возило “влекач” со српски ознаки, што го управувал Љ.Д. 52 годишен од Панчево. Во несреќата, возачот на патничкото возило починал на самото место, а тројца сопатници од истото возило, исто така, од Скопје, на возраст од 26,30 и 34 години, пренесени се во Скопје за укажување на лекарска помош.

На местото на несреќата увид извршиле Јавен обвинител и екипа од ОВР Гостивар.