Зошто трепкаме со очите?

Мора да трепнеме за да го исчистиме и навлажниме окото. Секогаш кога ќе се затворат очните капаци, солените секрети од солзните жлезди се преливаат над површината на окото, исфрлајќи ги малите честички од прашина и подмачкувајќи го изложениот дел од очното јаболко. Трепкањето исто така ги одржува очите безбедни од потенцијално штетни дразби, како што се силните светла.

Нормално трепнуваме на секои четири до шест секунди, но во иритирачки услови, како на пример просторија исполнета со чад, трепнуваме почесто за да ги одржуваме очите чисти и влажни.

Она што е интересно за трепнувањето е тоа што го правиме почесто отколку што тоа е потребно за чистење и навлажнување на рожницата. Доенчињата трепкаат еднаш на една минута, додека возрасните трепкаат во просек од 10 до 15 пати во минута. Поради ова научниците имаат направено доста истражувања. Па така, кога добиваме некоја важна информација ние активно го задржуваме трепкањето, додека, кога не примаме и не обработуваме информации, трепкаме почесто.

Кога читаме интересен материјал, трепкаме во просек од три до осум пати во минута, наспроти петнаесет пати во минута, кога не сме вклучени во активност што бара внимание. Исто така, најверојатно ќе трепнеме кога очите се префрлаат од една страница на друга или од крајот на редот на текстот до почетокот на следната линија.

Еден човек во текот на денот тепнува дури 15.000 пати.