Течат огласите за парична помош за ресторани за свадби, фотографи, теретани

Течат последните рокови за неколку јавни огласи и повици за доделување на финансиска помош за одредени категории погодени од ковид кризата, согласно шестиот пакет на мерки.

До 30 мај за парична помош од државата може да се пријавуваат угостителите кои имаат регистрирани и категоризирани ресторани за свадби, додека 1 јуни е последниот рок за регистрираните фотографски студија и фитнес центри.

За основа за пресметка на поддршката се земаат просечните месечни приходи остварени во 2019 година. Висината на поддршката се пресметува како износ од 30% од просечниот месечен приход. За субјектите кои ќе поднесат пријава на овој повик, а кои се регистрирани во текот на 2019 година основ за пресметка се просечните месечни приходи од денот на основање до крај на 2019 година. Дополнително, секој регистриран активен субјект ќе добие финансиска поддршка во износ од 15.200 денари по вработен, според бројот на ефективни работни часови, со пресек на 31.12.2020.

Огласите може да ги најдете на следниот ЛИНК