Предлог рецепт што да зготвите денес за ручек

Брз и вкусен летен ручек што со сигурност ќе ви се допадне.

Потребни состојки:

6 црвени пиперки,

масло за подмачкување,

сол.

За филот:

2 јајца,

100 гр мелено месо,

100 гр сирење,

50 гр кашкавал,

малку сол и бибер ,

6 парчиња домат.

Подготовка:

Измијте ги пиперките, исчистете ги од семе и исечете ги на половина по должина. Измешајте малку масло и сол во сад и премачкајте ги, па наредете во плех за печење.

Изматете ги јајцата, додадете ги зачините и промешајте. Пропржете го малку меленото месо и додајте, сирење исечено на парчиња и рендан кашкавал. Таа смеса измешајте ја со изматените јајца.

Внимателно наполнете ги пиперките. Печете во загреана рерна на 180 степени 20 минути, а потоа зголемете ја температурата на 220 степени, исклучете го долниот грејач и печете уште десет минути. Неколку минути пред крајот на печењето, додадете парче домат на секоја пиперка.

Пријатно јадење!