Необична летна салата

Веројатно веќе знаете дека омиленото овошје на многумина е всушност – зеленчук.  Лубеницата е едногодишно растение од семејството тиква, па затоа кај ботаничарите нема сомнение дека не е овошје. Има многу сладок вкус и освежителен, а кога малку ќе го гризнете белиот дел под кората, сигурно ќе забележите дека наликува на свежа краставица.

Причината за ова лежи во фактот дека лубеницата, исто како и краставицата, претежно е составена од вода. Лубеницата всушност им дава одличен вкус на салатите. Затоа, пробајте го овој рецепт за една освежителна и богата летна салата.

Потребни состојки:

еден голем домат

едно парче лубеница

150 гр. фета сирење

една мала црвена пиперка

половина мала свежа краставица

половина кромид

маслинки

неколку лисја од босилек

маслиново масло

оцет

сол и бибер

Подготовка:

Измијте ги доматите, исечете ги на тенки парчиња и ставете ги во сад. Додадете ја лубеница исечена на коцки и краставицата исто така. Измијте ги и пиперките, извадете ги семките, потоа исечете ги на ленти и додајте ги во садот, а потоа додадете го и кромидот исечен на крукчиња или ленти.

Зачинете со сол и бибер, додадете масло и оцет по желба и потоа промешајте. На крај, додадете ја фетата во салатата. Додадете и малку маслиново масло, по желба може да ставите и сецкан босилек.

Добар апетит!