ЦУК за состојбата со пожарите во Гостивар и Тетово

Според извештајот што го објави Центарот за управување со кризи, а се однесува на денешниот ден (6 август) до 14 часот, во гостиварскиот регион активен е само пожарот кај Пожаране на кој интервенира ШС „Шар“ – Гостивар..

„ТППЕ Гостивар известува дека имале уште три интервенции кои се завршени и тоа: во Печково каде гореле сува трева и грмушки, а интервенирале 5 пожарникари со 1 противпожарно возило и теренско возило, во Бањица кај касарната каде гаснеле сува трева со 4 пожарникари и 2 ПП возила и на автопатот Гостивар – Тетово гаснеле сува трева во нива, а интервенирале 3 пожарникари со 1 ПП возило. ТППЕ Тетово известува дека со 3 пожарникари и 1 ПП возило гаснеле запалено ѓубре во нива во с.Жеровјане и пожарот е изгаснат.“, стои во информацијата од ЦУК.

РЦУК Тетово известува дека во сите општини кои ги покрива имаат свикано кризни штабови, и во сите кризни штабови учествуваат нивни вработени, а активен е и регионалниот штаб.