Ограноците на ДПТ со официјална одлука за поддршка на Таравари

Општинските организации при Демократската партија на Турците, ограноци во Гостивар, Долна Бањица, Горна Бањица и во Здуње, донесоа одлука во вториот круг на изборите што ќе се одржи на 31 октомври, за градоначалник на Општина Гостивар да го поддржат Арбен Таравари.

Како што информираа, одлуката доаѓа како резултат на средбите и размената на мислења со партиските членови и раководители на партиските организации. „Почитувани сонародници, во вториот круг во недела ве молиме масовно да излезете и да го заокружите бројот 6.“, повикаа од партијата.

Таравари вели дека е среќен што во вториот изборeн круг и официјално ја има поддршката од турскиот народ во Гостивар.