Здравје и убавина
Хроно – диета што ја сакаат сите!
Најпопуларниот начин на исхрана моментално, преку кој луѓето ја достигнуваат идеалната тежина е хроно исхраната. Заснована на правилото, одреден вид на намирници да се конзумираат во точно определено време, оваа диета станува број еден, како во светот, така и кај нас. Тоа што најмногу привлекува кај хроното е што може да се јаде секаква храна, но важен е тајмингот и комбинирањето.
Првичниот хроно систем на исхрана го смислил францускиот лекар Ален Делабос во 1986 година. Целата исхрана е подредена на правилна работа на панкреасот и лачењето на инсулин и кортизол, како и ензимите кои се потребни за варење на храната кои што не се лачат во секое време од денот подеднакво. Оттогаш до сега хроно исхраната се менувала и усовршувала. Докторката Ана Гифинг како голем промотор на овој вид на исхрана, за своите пациенти вовела и фаза која е наречена – Рестрикција. Тоа е период во кој телото се чисти и организмот се прилагодува на новиот начин на исхрана. Токму во оваа фаза најмногу се намалува телесната тежина, а после тоа се овозможува да се задржи истата.
Во фазата на рестрикција е смален бројот на продукти кои се внесуваат, шеќерот и овошјето се исклучени и нема ужина. Фазата трае минимум 28 дена или додека не се постигне посакуваната тежина. По рестрикцијата се воведува хроно исхрана со правилно комбинирање на продуктите за доручек, ручек и вечера. Така на пример, доручекот треба да биде обилен и да вклучува масти и белковини, да се јаде сирење, путер, храна која содржи скроб (леб), протеини (јајца или сувомеснати производи). Ручекот треба да содржи помалку маснотии отколку доручекот, но да обезбеди мала количина на шеќер и билни протеини. Не треба да биде преобемен, но доволен да не осетите глад до следниот оброк. За време на ручекот не треба да мешате протеини и јаглени хидрати и овој оброк да се јаде најдоцна до 15 часот. За вечера се избира лесна храна: риба, посно месо и малку зеленчук. Со вечерата не е дозволено да се внесуваат шеќери, маснотии и скроб, што значи за вечера не се конзумира тесто, леб и сл. Тоа што можеби најтешко им паѓа на луѓето кои избираат хроно е правилото дека не е дозволено грицкање помеѓу оброците.
Други забранети продукти се: оцет, кравјо млеко, маргарин, растителен кашкавал и сирење, растителна маст, растителна павлака, топли пецива.
-
Гостиварпред 3 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 2 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Видео емисиипред 3 месеци
Емисија „МИНУТИ ЗА СЕКОГО“ – Гостин: д-р Агим Јакупи | НАТАЛИТЕТ И ЖЕНСКО ЗДРАВЈЕ
-
Вестипред 2 месеци
Историјат на Осми март – Празник посветен на правата на жените
-
Видео емисиипред 2 месеци
Емисија „МИНУТИ ЗА СЕКОГО“ – Гости: Живка Ѓурчиновска и Г‘зиме Фејзи | ЖЕНИТЕ ОД РУРАЛНИ СРЕДИНИ
-
Што, како, каде?!пред 3 месеци
Гаражна распродажба во РАМСТОР: Огромни попусти до 70% на шопинг до 11ти Февруари!