Гран При за Тамара од Гостивар на Golden Stars Rain во Русија

Единаесетгодишната Тамара Грујевска од Гостивар ја освои највисоката награда Гран При на Интернационалниот музички фестивал Golden Stars Rain кој се одржува во Владимир, Русија. Талентираната гостиварка на сцената се претстави со две песни „I Have Nothing“ од Whitney Houston и „Црно и Бело“ од Калиопи, а жирито едногласно ја оцени со сите 10-ки.

Фестивалот се одржува од 31 јануари до 6 февруари. Учествуваат околу 150 натпреварувачи од целиот свет. Тамара е единствен претставник од Македонија. Gostivarpress.mk неодамна објави интервју со неа, за подготовките за учеството на фестивалот, претходните настапи и успеси, плановите за иднина…