Пет медали за македонските скијачи на „Монтенегро Ски Куп“ во Црна Гора

Од 13 до 18 март во скијачкиот центар Колашин во Црна Гора, се одржа „Монтенегро Ски Куп“ каде беа одржани ФИС натпревари и државни првенствa во слалом и велеслалом. Учестувуваа тимови до Словенија, Хрватска, Полска, САД, Кипар, Србија, БиХ, Косово, Црна Гора и Македонија.

Македонската екипа во алпско скијање ја сочинуваа гостиварците: Виктор Петков, Влатко Анастасоски и Владимир Петков.

Во петодневната програма одржани беа четири натпревари во слалом и два во велеслалом.

Виктор Петков имаше одлично издание на ова натпреварување, од шест натпревари пет пати успеа да се најде на пиедесталот, освојувајќи пет бронзени медали, кои во ваква меѓународна конкуренција се одличен резултат за натпреварувачите од Македонија.