Со победа над Украина во финалето, македонските кантерџии Европски прваци во CS:GO по вторпат!

Во тешка и израмнета битка во финалето македонските кантерџии ја совладаа екипата на Украина со 2-1, со што успеаа да го одбранат тронот Европски првак во CS:GO.

Пред тоа во полуфиналето нашите репрезентативци со 2-1 ја елиминираа селекцијата на Србија. На завршниот Плеј-оф од Европското првенство 2022 што се одржува во Орадеја, Романија започнаа на 6 јули и заврши денес, на кое учествуваа најдобрите 10 селекции од Европа, македонските кантерџии се покажаа како најумешни освојуваќи го европскиот пехар по вторпат.

Нашата репрезентација е во состав на Јане „aidKiT” Апостолоски, Дамјан „kyxsan” Стоилковски, Александар „CacaNito” Ќулукоски, Даниел „dan1” Глигоров и Павле „stYleEeZ” Стојановски.

Македонскиот тим покрај златниот пехар (по втор пат) освои и награда вредна 25.000 долари.