Ајфеловата кула, Белата куќа, Кремљ…Малку фалело да ги снема засекогаш

Дали може да го замислите Париз без Ајфеловата кула или Њјуорк без Статутата на слободата? Во продолжение ви прикажуваме една интересна листа на светски туристички атракции, за кои сигурно сте слушнале, но не сте знаеле дека малку фалело да бидат уништени.

Погрешените одлуки, војните, се само некои од причините поради кои овие споменици биле под закана да си снема засекогаш. За среќа, преживеале, па туристи од цел свет се уште можат да им се восхитуваат.

Ајфеловата кула

Жителите на Париз не и се восхитувале од секогаш и немале симпатии кон оваа најпозната светска кула. Откако е донесен планот за изградбата, кој требало да се изложи на светската изложба во 1889 година, многу се побуниле и го исмејувале. Дури и пред да почне да се гради, граѓаните почнале да потпишуваат петиција, за Ајфеловата кула никогаш да не добие свое место во Париз. Со текот на времето, граѓаните ја прифатиле кулата и почнале да се горедеат со неа. Наводно и наредбата, која била изадедена од Хитлер за да се руши, била одбиена. Во денешно време никој не може да го замисли Париз без Ајфеловата кула. Речиси седум милиони туристи, годишно ја посетуваат оваа атракција.

Статутата на слободата

Сите оние, коишто биле во Големото Јаболко не може, а да не го забележат високо подигнатиот факел, во десната рака на дамата, која ја претставува слободата на Америка. Познато е дека статуата на Слободата е подарок од Французите на Американците, а историјата вели дека нејзиниот градител Агусте Бартолди ја изградил за отворањето на Суецкиот канал. Сепак, кога таа идеја била одбиена, одлучил да им ја подари на американците, кои тогаш ја славеле слободата и демократијата на младата држава. За да се заврши статуата на Слободата, биле потребни 15 години, но кога се видело дека не може да се заврши, поради недостаток на пари, Џозеф Пулицер (По него е именувана наградата, која се доделува во областа на новинарството), ја собрал потребната сума на пари, на тој начин што ги повикал читателите на Ворлд, да донираат колку што можат. Денеска, статуата на Слободата се наоѓа на листата на заштитени културни наследства на УНЕСКО и е гордост на Њујорк.

Белата куќа

Каде денес би живееле Претседателите, доколку не би постоела Белата Куќа? Воопшто не се сомневаме дека би им било добро во некој друг објект, но Белата куќа е силен симбол на американските Претседатели, па поради тоа е тешко да се замисли дека тие би можеле да престојуваат во некој друг објект. Но, во 1814 година, Вашингтон за малку ќе останел без овој симбол.  Тогаш британските војници го нападнале Вашингтон, ги протерале граѓаните и ги запалиле сите објекти, вклучувајќи ја и Белата Куќа. Кога веќе се мислело дека Вашингтон е готов, се случило вистинско чудо. Над градот разбеснала голема бура, пропратена со торнадо, која ги рушила британските бродови, ги расфрлила топовите и убила повеќе британски војници, отколку што погинале во директна битка. После оваа бура, Англичаните заминале од овој град и никогаш не се вратиле.

Таџ Махал

Најпознатиот светски мавзолеј и еден од најпосетените симболи на Индија, за малку ќе доживеел тажна судбина и тоа во повеќе наврати. Стотици години после смртта на Шахот Џахан, кој го изградил Таџ Махал, за неговата сакана сопруга, мавзолејот почнал да пропаѓа во заборав. Во времето на индиската побуна во средината на 19 век, Британците од него направиле воена тврдина и околу него изградиле барикади. Пред да заминат, го опустошиле и од него ги извадиле скапоцените камења и останатите скапоцености. Во меѓувреме, Лордот Бентник, наредил многу од спомениците во Индија, да се рушат, а деловите на Таџ Махал, требало да се продадат на аукција во Европа. За среќа, откако почнале подготовките за негово разрушување, аукцијата пропаднала. На почетокот од 20 век, еден многу разумен лорд, по име Курзон, се запрепастил од глетката, кога го видел Таџ Махал. Набрзо, дал наредба за негово обновување, па благодарение на него, мавзолејот е зачуван до ден денеска.

Кремљ

Московскиот Кремљ се смета за најзначајно архитектонско постигнување на планетата. Некогаш бил дом на кралевите, а денеска на рускиот Претседател. Кремљ е тврдина, околу која се развил целиот град. За време на војната помеѓу Русија и Франција, Кремљ бил окупиран од Наполеон, а при повлекување од градот, тој дал наредба оваа тврдина да се уништи. За среќа, иако неколку експлозивни направи биле детонирани и покрај штетата што ја претрпил, Кремљ бил повторно обновен. Тој до ден денес е симбол на руската моќ.