Ајфеловата кула затворена поради штрајк

Симболот на Пазир и една од најголемите туристички атракции во светот, Ајфеловата кула од вчера попладне е затворена за посетители поради штрајк на вработените. Како што јавуваат француските медиуми, вработените негодуваат на лошата организација на турите, поради што се созваваат огромни гужви и неред со туристите.

Управата и синдикатот не успеале да постигнат договор во врска со новиот систем за пристап на туристите до кулата, кој според вработените, создава огромни редици на посетители кои сакаат да се качат на кулата, висока 324 метри. Новиот систем бил воведен минатиот месец, а вклучува одвоени лифтови за посетителите, зависно од видот на билетот што го купиле. Работниците реагираат дека таквиот начин на работа ги исцрпува и секојдневно се соочуваат со нервозни и незадоволни туристи.

Лани, на Ајфеловата кула се искачиле 6 милиони туристи од сите делови на светот.