Ако не ве ослободуваат од работа за да го чувате детето пријавете на 151 31

Доколку работодавците не ја почитуваат препораката за ослободување од работни обврски на  родител на деца до 10 годишна возраст, случајот да се пријави во Државниот инспекторат за труд на телефонскиот број 151 31, соопштија од Министерството за труд и социјална политика. Надлежните повикаа и вработените и работодавачите строго да се придружуваат до мерките кои се донесени за превенција од ширење на коронавирус.

Отсуствата од работа ќе се докажуваат со потврди кои ќе ги издаваат градинките и основните училишта, на име на родителот корисник на мерката за ослободување од работа поради грижа за дете со навршена возраст до 10 години, во кои ќе биде наведен и временскиот период за кој  се однесува.
Министерството информира и дека ослободувањето од работни активности важи и за родители на деца/лица со попреченост и над 10 годишна возраст. Родителите е потребно по истиот принцип да достават потврда дека лицето е корисник на услугата дневен центар за лица со попреченост.