Гостивар
Активно заразени со корона во Гостивар скоро 1.000 – во аптеките навалица за сумамед
Според последните податоци од Институтот за јавно здравје, бројот на активно заразени со коронавирус на гостиварското подрачје достигна 996. Секојдневно се регистрираат двоцифрени бројки на нови случаи.
Пандемијата донесе низа проблеми и предизвици во медицината и за лекарите. Како во однос на разграничување на симптомите, упатување за тестирање и други анализи, така и за определување на правилна терапија за секој пациент. Иако, најчесто за лекување на болни од ковид се користат антибиотиците сумамед и панцеф, медицинските лица велат дека не секој заразен има потреба од тие лекови. Во бројни случаи, самите пациенти инсистираат да им бидат препишани овие антибиотици. Низ аптеките во Гостивар изминатиот период има навалица за сумамед и панцеф. Фармацевтите кои ги исконтактиравме велат дека особено се бара сумамедот, а граѓани честопати сакаат и го купат на своја рака, без рецепт.
Лекарите предупредуваат дека земањето терапија своеволно може сериозно да го загрози здравјето и да го искомплицира текот на болеста. „Секој пациент има различни симптоми, тек на болеста, ризици и затоа никако не треба сами да се лечат. Задолжително да се обратат за медоцонска помош и да ги следат препораките и терапијата која ќе им биде дадена од докторот. Ако земаат лекови на своја рака, може да предизвикаат компликации“, велат лекарите.
На ниво на целата држава откако почна пандемијата, пораснат е бројот на издадени рецепти за сумамед за 57% и за панцеф за 17% во однос на лани.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар