Александар Костовски е нов играч на КК Гостивар

Македонскиот репрезентативец Александар Костовски е најновото засилување на „бело-сините“. Триесетгодишниот кошаркар е класичен разигрувач, доаѓа од романското првенство, каде настапуваше за екипата на Питешти. Во две сезони во романското првенство, за 911 минути игра, постигна 406 поени, односно има просек од 12,3 поени за 26 минути по натпревар.

Активен член е на Македонската кошаркарска репрезентација, неговото искуство ќе биде од големо значење за тимот на Марјан Србиновски, како и предноста „домашен играч“ која според новите правила на МКФ, тројца домашни играчи на терен ќе овозможи дополнителни комбинации во ростерот на гостиварци.

Костовски е трето ново име во Гостивар, после ангажирањето на Џо Фурстингер и Мартин Шалев. За неговиот ангажман беа заинтересирани неколку екипи од регионов и блискиот исток. Во кариерата е одликуван со неколку спортски награди како најдобар млад играч 2006 и 2008, и најдобар домашен кошаркар во 2016 година.