АМСМ: Зголемен интензитет на соообраќајот надвор од градските средини

Сообраќајот на државните патишта се одвива по наместа влажни коловози на повисоките планински места и претежно суви коловози на пониските места, информира Авто мото сојузот (АМСМ).

Интензитетот на сообраќај на патните правци надвор од градските средини е зголемен. На граничните премини нема подолги задржувања за влез и за излез од државата, информира Автомотосојузот на Македонија во утринскиот извештај за состојбата на патиштата.

АМСМ препорачува внимателно возење, прилагодена брзина на движење и почитување на поставената сообраќајна сигнализација. Во клисурите и засеците можна е помала појава на одрони, особено на патните правци: Гостивар – Стража, Маврово – Дебар – Струга, Кочани -Мак. Каменица – Делчево, Виница – Берово, , Д. Капија – Удово, Катланово – Велес, Крушево – Демир Хисар и Ресен – Буково.

Во овој период е во  сила  законската обврска за задолжително поседување зимска опрема во возилата.