Џелили од ДУИ: Градоначалникот да прекине со шпекулации и деструктивност

Шпетим Џелили од ДУИ по денешната седница на Советот во изјава, нагласи дека неисплаќањето на платите настанало по вина на градоначалникот кој не ја почитувал вољата на граѓаните и не го признал мнозинството во советот.

“Оваа ситуација настана по вина на градоначалникот кој започнувајќи од неговите амбиции да не ја почитува вољјата на граѓаните, не го прифати легитимно избраниот претседател на Советот. Тој започна со опструкции на конститутивната седница кога нареди административните работници да ги напуштат нивните работни места. После тоа кога мнозинството на демократски начин го избра Муслиу за претседател на Советот, Таравари продолжи со деструктивни чекори и не дозволи да излезе во службен весник, новоизбраниот претседател.

Земајќи ги во предвид сите овие моменти, јавноста може да претпостави кој ги создал овие непотребни доцнења, од каприците на тој што по секоја цена сака да инсталира апсолутна моќ, дури и кога не се почитуваат демократските принципи.

Бараме од градоначалникот да прекине со шпекулативните изјави во јавноста, зошто реалноста кажува друго, бидејќи ова не помага да се надминат непотребните проблеми што се создаваат. Го повикуваме градоначалникот да даде одговорност за улогата за која го избрале граѓаните.” – изјави Џелили.