Апел за помош на семејство од Ростуше чија куќа изгоре во пожар

Пожар остави семејство во долнореканското село Ростуше без покрив над главата. Испратен е апел до сите хумани луѓе, да излезат во пресрет и да помогнат.

Пожарот се случил во средата (11-ти јануари) наутро во куќата на семејството Јанкоски во Ростуше, во месноста „Аловци“. Огнот ја зафатил  конструкцијата на покривот, се проширил и го пеплосал првиот кат со целокупната покуќнина, а значително го оштетил и приземјето на куќата. Причината за избувнувањето најверојатно е неисчистен оџак. Среќа во несреќа е што немало повредени.

За помош на семејството од Ростуше апелираше и монашкото братство на Бигорскиот манастир. Во апелот се вели:

„Почитувани верници, браќа и сестри, хумани граѓани и наши читатали, во овие денови на радосно Божикно ликување, кога си спомнуваме за неискажливото Божјо милосрдие кон човечкиот род, ни се дава можност да покажаме и ние малку милосрдие кон нашите собраќа, членовите на благочетивото семејство Јанкоски од с. Ростуше. Имено, семејната куќа на Јорде и Јаглика Јанкоски и нивните деца пред два дена изгоре целосно до темел, така што тие во ова време со екстремно ниски температури останаа без покрив над главата.

Замолуваме, доколку сте во можност, да дадете доброволен прилог за обнова на нивната куќа, преку жиро-сметката: 200002778495540 Стопанска Банка АД Скопје, Јанкоски Јорде“

http://www.bigorski.org.mk/index.php?content_type=nastani&action=details&record_id=2651