Апелациониот суд во Гостивар вработува референти, платите по 300 и 250 евра

Две нови работни места се отвораат во Апелациониот суд во Гостивар. Институцијата објави огласи за прием на самостоен судски референт и помлад судски референт. Покрај општите услови, одредени во Законот за судска служба, кандидатите треба да исполнуваа и одредени посебни услови: завршено најмалку средно или више образование, активно познавање на еден од трите најчесто користени јазици на Европската унија (англиски, француски и германски) и активно познавање на компјутерски програми за канцелариско работење. За позицијата самостоен судски референт се бара и најмалку три години работно искуство во струката, додека за помлад референт работното искуство не е услов.

Вработувањата се на неопределено, со полно работно време. Основната плата за самостоен судски референт изнесува 18.238 денари, додека за помлад референт 15.265 денари.

Деталите од огласот може да ги прочитате на следниот ЛИНК

Гостиварска Апелација е надлежна да  решава по жалби против одлуките на Основните судови во Гостивар, Тетово, Дебар и Кичево. Според извештајот за првиот квартал од годината, во судот се предвидени 117 места за суски службеници, од кои пополнети се 30%.