Во Гостивар уапсени три лица за кражби

Три лица завршиле во Полициската станица во Гостивар, поради кражби или нивно прикривање. Секторот за внатрешни работи Тетово соопшти дека вчера (3 септември) во периодот од 13 часот и 50 минути до 14 часот и 30 минути, полициски службеници од Полициската станица Гостивар ги лишиле од слобода 51 годишниот И.З. од Тетово, 35 годишниот Ф.Б. од гостиварска Долна Бањица и 35 годишниот Ф.К. од Гостивар поради сомнение за извршени повеќе кривични дела – кражби или за нивно прикривање.

Кражбите биле вршени на гостиварското подрачје и најчесто во возила, од коишто биле одземани најразлични предмети, мобилни телефони, алатки и друго.

Кај еден од приведените Ф.Б. , вчера биле пронајдени повеќе предмети кои потекнувале од извршените кражби, а кои им биле вратени на сопствениците.

По целосно документирање на случајот против тројцата ќе биде  изготвен соодветен поднесок, најави полицијата.