Апсења во Гостивар – пронајдени екстази, кокаин, марихуана…

Во неколку одделни случаи викендов биле уапсени повеќе лица, заради дрога. МВР соопшти дека вчеравечер 22:20 часот, биле лишени од слобода и задржани во Полициската станица Гостивар три лица, кај кои при преглед, пронајдени и одземени биле екстази.

Полициски службеници од Надворешната канцеларија за криминалистички работи Гостивар, вечаравечер околу 20 часот, извршиле претрес во куќата на 46-годишниот Ш.А.Г. во гостиварска Долна Бањица. „При претресот, реализиран со судска наредба, пронајден е кокаин, марихуана и дробилка. Ш.А.Г. лишен е од слобода и задржан во Полициската станица Гостивар и против него ќе следува соодветен поднесок.“, известува МВР.

Ноќеска пак, околу 2 часот и 30 минути после полноќ, во тетовското село Боговиње, полициски службеници на Секторот за внатрешни работи Тетово запреле патничко моторно возило „Рено твинго“ со гостиварски регистарски таблици управувано од 27-годишниот Ш.Ф. од гостиварско Чегране. При преглед била пронајдена марихуана, поради што лицето било лишено од слобода и задржано во Полициската станица Тетово за расчистување и документирање на случајот.