Поврзи се со нас

Гостивар

Бараката за Туристички инфо центар преместена од плоштадот во Гостивар

Објавено

на

Монтажната барака која е наменета за Туристички инфо центар за Гостивар од вчера ја нема на градскиот плоштад. Објектот е дислоциран на простор меѓу зградата на Шумско и Центарот за култура.

Градоначалникот Арбен Таравари, објасни дека тоа го направиле поради реакции на гостиварци на првичната локација, по што општината спровела онлајн анкета, а најголем дел од граѓаните ја предложиле новата локација како најсоодветна.

„Вие знаете дека како општинско раководство ние го слушаме гласот на народот. За сите важни прашања, како развојна програма, буџет и слично организираме јавни дебати за граѓаните да кажат што мислат, нешто што претходно беше мислена именка. За бараката имаше реакции, спроведовме онлајн анкета и од околу 200 граѓани повеќе од половината ја посочија оваа локација, каде сега е преместен објектот“, рече градоначалникот.

На првичната локација на бараката се противеше и гостиварскиот огранок на ДУИ, од каде тогаш реагираа дека го попречува движењето на граѓаните на најфреквентното место во градот.

Објектот доживеа две локации, но не и ставање во функција. Ковид пандемијата го одложи неговото отворање.

Туристичкиот инфо центар е проект вреден над 20.000 евра, а Општина Гостивар го спроведува во соработка со Центарот за развој на Полошкиот плански регион. Финансиран е од Министерството за локална самоуправа и швајцарската Агенција за развој и соработка.

Негова цел е да служи посетителите и туристите да се запознаат со културното наследство на гостиварскиот регион, природните убавини, хотелските капацитети и слично.

Сподели ја веста:

Маркетинг

Advertisement
Advertisement
Advertisement
Гостиварпред 4 месеци

Света архијерејска Василиева литургија во Гостивар со гости од Србија и чин на ракоположување

Гостиварпред 4 месеци

Со љубов и почит кон корените – „Танец“ одржа концерт во Гостивар

Гостиварпред 6 месеци

Водици 2024 Гостивар: Осветени водите на Вардар – Бог се јави, Навистина се јави!

Гостиварпред 7 месеци

Ангелчињата во Гостивар го најавија Христовото раѓање-Бадникова поворка 2024

Спортпред 8 месеци

По првиот круг од сезоната КК Гостивар „виси“ на 8-та позиција на табелата

Спортпред 8 месеци

Кехинде од пенал му пресуди на Македонија Ѓорче Петров 1-0

Гостиварпред 11 месеци

Стефановски: Гостивар одличен како домаќин и публика, благодариме од срце!

Спортпред 11 месеци

ФК Гостивар загуби на домашен терен од Силекс 1-2

Гостиварпред 12 месеци

Осветена црквата „Св.Климент Охридски“ во Пожаране: Да го чуваме православието, секој храм е парче небо на земјата!

Огласи за работа:

Advertisement

сите дневни вести на Телеграм:

Advertisement

Популарно изминативе 100 дена