Бејта на средби со жителите низ населбите во Гостивар

Во текот на првиот ден од Предизборната кампања, кандидатот на ДУИ за градоначалник на Гостивар, Невзат Бејта ги посети населбите Џамиџит Маало, Ново Маало и делот во близина на фабриката Силика, каде оствари средби со граѓаните, поразговара за проблемите и ги слушна нивните сугестии и барања.

„Жителите ја изразија својата благодарност за до сега спроведените инвестиции  во овој дел од градот, како што е новиот мост и неодамна асфалтираната улица во населбата Џамиџит. Во овие населби сме направиле многу во изминатиот мандат и ги остваривме сите ветувања што ги дадовме на жителите на овој дел од градот. Во новата програма за изборите во 2017 година предвидовме изградба на две јавни катни гаражи во овој дел од градот“, рече Бејта кој на граѓаните им претстави дел од проектите во изборната програма: асфалтирање на улицата “Чеде Филипоски” до улица “ЈНА”, изградба на четвртиот мост на реката Вардар согласно генералниот урбанистички план на градот, изградба на подземни контејнери, асфалтирање и реасфалтирање на патишта каде што е потребна интервенција.