Локални избори 2017
ВМРО ДПМНЕ со промоција на кандидатот за градоначалник и советничката листа
ВМРО ДПМНЕ вечерва одржа промоција на кандидатот за градоначалник на Гостивар, Дафина Стојаноска и кандидатите за членови на советот за престојните локални избори. Пред членството и симпатизери на партијата во партискиот штаб во Малеарди, Стојаноска ја сподели својата визија за Гостивар и ги потенцираше главните заложби.
„Јас Гостивар за четири години го гледам како град во кој ќе се креираат можности за просперитет, во духот на меѓуетничкиот соживот, меѓусебна почит и толеранција. Град во кој ќе се споделуваат заеднички вредности, без разлика на верска или национална припадност. Град во кој различностите ќе бидат наша гордост, темел и гаранција за заеднички успех. Ќе настојувам заеднички да ги негуваме мирот и стабилноста, сплотени во едно и со една цел: искористувајќи ги ресурсите и поволна географска местоположба – за што поголем економски развој и просперитет на сите нивоа, започнувајќи од основните побарувачки, па се до најсовремените можности и потреби на заедницата во град Гостивар“, рече кандидатот за градоначалник од ДПМНЕ нагласувајќи неколку поважни проекти од изборната програма: враќање на старото градско корзо, изградба на современ градски плоштад со шеталиште, катна гаража, нова детска градинка, покриен базен, дом за стари лица, дислокација на депонијата Русино, изградба на центар за рециклирање и други.
Носителот на листата, Лоран Страшевски ги претстави сите 31 кандидат и нагласи дека тимот што го предводи ќе донесе уште една победа на избори. „Започнуваме нова ера која ќе ја запише победата на ВМРО ДПМНЕ. Започнуваме фер и коректна кампања во која единствена цел ќе ни биде да ги претставиме нашите напредни идеи“, рече Страшевски.
На промоцијата, свои куси обраќања имаа и потсекретарот на партијата и пратеник Горан Манојлоски, членот на ветераните на ВМРО ДПМНЕ Павле Билбилоски, Наташа Саздовска од Унијата на жени и поранешниот пратеник Сашо Аќимоски.
-
Гостиварпред 3 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 2 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 3 месеци
Објавен повик за невработени-По 6.000 евра грант за да си отворат бизнис
-
Видео емисиипред 3 месеци
Емисија „МИНУТИ ЗА СЕКОГО“ – Гости: Живка Ѓурчиновска и Г‘зиме Фејзи | ЖЕНИТЕ ОД РУРАЛНИ СРЕДИНИ
-
Вестипред 2 месеци
Историјат на Осми март – Празник посветен на правата на жените
-
Македонијапред 3 месеци
Најнова одлука: Од утре промената на возачките, сообраќајните и патните листови ќе бидат без надоместок
-
Гостиварпред 2 месеци
Гостиварско архиерејско намесништво: Распоред на дежурни свештеници за Задушница