Безбедно на моторите, ставајте кацига и почитувајте прописи – казни од 50 до 500 евра

Летото е период кога бројот на моторциклисти и велосипедисти по патиштата и улиците во гостиварскиот регион значително се зголемува. Сепак, загрижува фактот што голем дел од возачите на мотори и велосипеди не внимаваат на сообраќајните правила и прописи, со што ја загрозуваат сопствената и безбедноста на другите учесници во сообраќајот. Искуството говори дека летниците месеци сообраќајните несреќи со учество на мотори, се зачестена појава.

Полицијата редовно спроведува акциски контроли во чие средиште се моторциклистите и упатува апели задолжително да користат заштитна опрема-кациги, да не возат без возачки дозволи, редовно да ја проверуваат техничката исправност на моторите и навреме да ги регистрираат.

Паричната казна за некористење на кацига изнесува 50 евра, за управување мотор без положен испит и дозвола 300 евра, додека за истечена регистрација казната се движи од 100 до 500 евра. Оние кои управуваат мотори, а немаат обновена осигурителна полиса се соочуваат со глоба од 100 евра.

Со оглед на тоа дека младите често возат мотори, за да се превенираат несакни последици, во текот на училиштата година, во школите на подрачјето на Гостивар беа организирани предавања за безбедното управување со вакви превозни средства.