Вести

Бездомници згрижени во интернатот во Гостивар поради снегот и поларниот студ

Објавено

пред 5 години

на

11/01/2019

Од

Gostivarpress.mk

Две бездомни лица, кои зимата и екстремно ниските температури ги поминувале на отворено и во импровизирано живеалиште во Гостивар, денес се згрижени и привремено сместени во ученичкиот интернат. Акцијата ја спроведе Општинската организација на Црвениот Крст – Гостивар во соработка со Центарот за социјални работи и локалната самоуправа.

„Мобилната екипа изврши евакуација на двајца бездомници кои беа на отворено на температури до -10 степени, и тие сега се сместени во средношколскиот интернат за ученици во Гостивар. На бездомниците им беше поделена хуманитарна помош, пакети со прехрамбени производи, ќебиња, душеци и греалка.“, соопшти гостиварскиот Црвен Крст.

Министерството за труд и социјала деновиве упати повик до граѓаните да пријавуваат бездомни лица на кои им е потребна помош, во услови на екстремно ниски температури. „Доколку забележите бездомно лице, пријавете во центрите за социјална работа и Црвен крст. Дежурните тимови ќе ги згрижат бездомниците во Момин Поток или во другите регионални пунктови.“, наведоа од Министерството.