Би живееле ли во куќичка што виси?

Во обид да заштедат што повеќе простор, современите архитекти создаваат многу креативни домови. За куќичките на шведската фирма Moderna Trähus и архитектите Елисабет Габриел и Понтуса Омана, навистина е малку да се рече дека се креативни. Посоодветен би бил изразот неверојатни. Проектантите идејата ја добиле од дрвените куќички за птици, па со таков концепт изработиле куќички за луѓе.

Направени се од дрво, поставено на метална конструкција и се прицврстуваат на карпи. Така оној што ќе реши да живее во нив, треба да биде подготвен дека под неговиот дом има провалија. Внатре куќичките со површина од 50 квадратни метри ги имаат сите услови и комоција на еден просечен дом.

Сега за сега, овие куќи се само проектирана атракција, но се очекува во блиска иднина да никне и првата населба.