Биткоинот не се предава – Синоќа за 30 мин скокна 10%

Цената на Биткоинот вчера вечер за 30 минути скокна за цели 10%. Во период од еден час цените на Биткоинот, Биткоин Кеш, Етериум и Рипл пораснаа од 6 до 10%, со што цената на пазарот на криптовалути порасна од 272 на 292 милијарди долари. Изненадувачкиот, но очекуван скок на Биткоинот може да му се препише на напредокот во водечките крипто земји САД, Јапан и Јужна Кореја, во смисла на регулација, усвојувања и општата побарарувачка на пазарот на криптовалути. Последен пат Биткоинот на оваа цена беше на 9 април.

Ваквиот скок, веднаш ја става на тест цената од 10.000 долари за еден Биткоин. Ако брзо го премине прагот од 8.000 долари, лесно достижни се и 10.000 долари. Ако се задржи и остане стабилен на моменталната цена од 7.400 некое време, со сигурност полека ќе се движи нагоре во периодот што следи, со голема веројатност да достигне цена помеѓу 8.000 и 9.000 во следната седмица, сметаат од CNN.