Бизнисмени и општината ќе им помогнат на семејствата чии куќи беа опожарени

Повеќе бизнисмени од Гостивар и локалната самоуправа ќе излезат во пресрет на семејствата чии домови беа опожарени во петокот навечер. Пожарот на ул „18 ноември“ зафати три куќи, од кои во едната нема услови за живот, а во друга има значителни оштетувања. И во двата случаи се работи за семејства со малолетни деца. Третата куќа е оштетена надворешно.

Семејствата денес ги посети градоначалникот Невзат Бејта со своите соработници и бизнисмените кои ќе издвојат средства за да се обноват опожарените куќи.

„Ние како општина доделуваме парична помош колку што е предвидено во законски рамки. На бизнисмените сме им многу благодарни што ќе помогнат на овие семејства кои ги снајде ваква трагедија“, изјави градоначалникот.

Во пожарот немаше повредени, ни човечки жртви. Причините за избувнувањето се` уште се утврдуваат.