Пролетни приредби во гостиварските градинки

Дечињата од средните групи кои ги посетуваат јавните детски градинки во Гостивар ја пречекаа пролетта со пролетни приредби. Низ песнички, музика и игра ги претставија сите убавини што ги носи најшареното годишно време. Со своите изведби, посветени на пролетта ги забавуваа и израдуваа родителите, воспитувачките, роднините дојдени во публика да ги поддржат своите најмили. Приредбите по повод доаѓањето на пролетта традиционално се организираат со децата од средните групи. Дечињата пак од големите групи пак, ќе ја одржат завршната манифестација „Збогум градинке“ кон крајот на месец мај.

Во Гостивар функционираат три  јавни детски градинки „Пролет“, „Цветови“ и „Пчелка“.