Благодетниот оган слезе во Ерусалим

Во пресрет на Велигден, во храмот на Воскресението Христово во Ерусалим, на Велика сабота слезе Благодетниот оган – Господов.

Денеска, Велика сабота 2023 година, во 14 часот по македонско време во Кувуклијата во Ерусалим се запали Благодатниот оган, по што Неговата Светост, Патријархот Теофил III Ерусалимски го предаде на сите верници во светот.

Илјадници православни христијани и аџии од целиот свет денеска во Стариот град на Ерусалим присуствуваа на церемонијата на одбележување на Светата светлина, со зголемено присуство на израелската полиција.

Првите записи за Светиот оган, кој ја симболизира светлината што го осветли Христовиот гроб по воскресението, датираат од III век. Огнот се спушта секоја Велика Сабота, во пресрет на православниот Велигден, за многу векови.