Блискиот Исток на раб на општа војна – Иран истрела балистички ракети врз цели во северен Ирак и Сирија

Иранската револуционерна гарда (ИРГЦ) објави дека синоќа нападнала цели во северен Ирак и Сирија со балистички ракети, како што рече нападнати се, “шпионските центри и местата каде се собираат антииранските терористички групи” во Ербил, Ирак, објавија иранските државни медиуми.

Нападот беше одмазда за неодамнешните терористички напади во Иран, објави порталот на ИРГЦ. Гардата објави дека терористичката милиција на Исламската држава (ИД) е „лоцирана на окупираните територии на Сирија и уништена со истрелување серија балистички ракети“.

Речиси истовремено, неколку силни експлозии го потресоа северниот ирачки град Ирбил, непосредно пред полноќ во понеделникот, неколку проектили паднале во близина на американскиот конзулат во овој град.

Погоден е и меѓународниот аеродром во тој курдски град. ИРГЦ објави дека ударите предизвикале „уништување на шпионскиот штаб на ционистичкиот режим (Мосад).”

Ситуацијата во овој регион е крајно напната од избувнувањето на војната во Газа. Досега немаше ракетни напади на ИРГЦ, но милитантните групи поддржани од Иран често напаѓаа цели во Сирија и Ирак во последните месеци. Израел и САД се сметаат за најголеми непријатели на Иран од избувнувањето на Исламската револуција во 1979 година.