Бројката на невработени во регионот на Гостивар надмина 11.100

Според последните податоци од Агенцијата за вработување, заклучно со 30 ноември 2020-та година во регионот на Гостивар регистрирани се вкупно 11.112 невработени лица. Минатата година се бележеше постојан пораст на бројката на граѓани кои се најдоа на листата на невработени. Дел од нив се пријавуваа во евиденцијата и за да остварат право на користење на државните мерки за помош. Споредено со 2019-та година, бројот на невработени е речиси дуплиран.

Статистиката покажува дека и натаму меѓу невработените во гостиварско се лицата со основно или без образование, кои ги има 7.448. Со непотполно средно има 428, со средно образование 2.474, со вишо 58. Работа бараат и 643 граѓани кои завршиле факултет, а невработени се дури 61 магистар.

Според возраста најбројни се оние од 55 до 59 години кои ги има 1.388 и од 25 до 29 години – 1.325.

Што се однесува до националната припадност, 1.754 се Македонци, 6.733-Албанци, 1.219-Турци, 888-Роми, 10 Срби и други.