Бурса и Мирко Петрески против белградски Партизан во осминафиналето на Еврокуп

Доцна синоќа заврши групната фаза во кошаркарскиот ФИБА Еврокуп, по што се формираа двојките од следната осминафинална нокаут фаза.

Екипата на Бурсаспор, на чија клупа седи поранешниот тренер на Црвена звезда, Душан Алимпијевиќ (36), чиј па помошник е гостиварецот Мирко Петрески ќе се сретнат со белградски Партизан во мечот од 1/8 финалето во годинешниот Еврокуп, на чија клупа пак е живата легенда на клубот, Жељко Обрадовиќ.

Мирко Петрески е во Бурсаспор од август, 2021 година. Каде работи како помошник тренер на Алимпијевиќ.

Победникот од овој дуел во четвртфиналето ќе игра со победникот од натпреварот Цедевита Олимпија – Турк Телеком. Натпреварите од осминафиналето се закажани за 19 и 20 април.

Двојки од осминафиналето на Еврокупот:

Партизан – Бурса
Цедевита Олимпија – Турк Телеком
Метрополитен – Венеција
Јувентуд – Улм
Виртус Болоња – Леткабелис
Валенсија – Хамбург
Гран Канарија – Сласк
Андора – Иднина