Кожув домаќин на КК Гостивар во последното 22 коло

Во последното коло од регуларниот дел во сезоната 2021/2022, во Гевгелија ќе се сретнат екипите на КК Кожув и КК Гостивар.

Иако одредени се сите патници во Супер-лига, односно Плеј-аут, денешниот натпревар не е без никакво резултатско значење. Кожув со 8 победи и 13 порази се наоѓа на 9. позиција на табелата, во не толку лоша позиција, но далеку од обезбеден опстанок во лигата, со освојување на нови два бода, кои се пренесуваат во следната фаза гевгеличани ќе си го олеснат патот до сигурен опстанок.

КК Гостивар нема победа четири натпревари, од високата 3.позиција која ја имаа подолго време, гостиварци успеаа да се најдат на 6. место пред почетокот на Супер-лигата. Покрај прекинувањето на негативната серија, на избраниците на Александар Јончевски потребна им е победа во овој дуел и поради бодовите кои исто се пренесуваат во следната фаза, со нови два бода, бодовната разлика на четирите екипи од 3. до 6. место би била само разлика од 2 бода, што е најава за крајно неизвесна трка за 3. и 4. позиција на табелата, кои водат во завршниот Плеј-оф.

Натпреварот во Спортската сала „26 април“ во Гевгелија започнува од 18 часот, во живо натпреварот може да го следите ТУКА.