Гостивар
„Да го направиме Гостивар еко-град!“ – почна Европската недела на мобилност
Гостивар се приклучува кон одбележувањето на Европската недела на мобилност, чија цел е да се подигне свеста на граѓаните во борбата против аерозагадувањето – помалку да користат автомобили, а почесто велосипеди или да пешачат.
Активностите ги организира гостиварската локална самоуправа во соработка со здружението ГВ еко. Одбележувањето започна денес со симболична прошетка до Кејот на Вардар. Во деновите што следуваат ќе бидат промовирани патеки за велосипедистите, пешачка зона во централното подрачје, ќе има ден без автомобили и слично.
„Европската недела на мобилност ја одбележуваме под мотото „Гостивар без автомобили-пешачи или вози велосипед“. Сметаме дека е важно да се подигне свеста кај граѓаните, да почнеме да се бориме против аерозагадувањето и да се грижиме за нашето здравје, бидејќи навистина загадениот воздух е причина за многу болести. За жал, навиките се такви да се користи автомобил и за 500 метри. Тоа треба да се менува, за доброто на сите. Да се потрудиме да го направиме Гостивар еко град. Ги поканувам сите граѓани да ни се придружат во активностите“, изјави Валентина Штерјоска од Гв еко.
Надлежните за екологија во Општина Гостивар нагласија дека борбата против загадувањето на воздухот е заедничка и секој треба да даде свој придонес.
„Во Програмата за заштита на животната средина за 2020-та предвидовме вакви настани за подигнување на свеста кај граѓаните, во иднина да се бориме заеднички да имаме што повеќе патеки за велосипедистите и пешаците“, рече Зуди Џелили, раководител на одделение за животна средина во О.Гостивар
Ден без автомобили ќе се организира на 22 септември, со промовирање на пешачка зона во центарот на градот во 10 часот и велосипедско дефиле во 11 часот. Еден ден претходно во Летниот амфитеатар ќе се одржи настан за презентација на еколошките програми и проекти.
Европската недела на мобилност трае од 16 до до 22 септември.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар